Зураг дээр хөөрхөн гарахыг хүсэж байна уу

Гэрэл зураг авахуулна гэдэг бас нэг гайхалтай урлаг юм. Гагцхүү зураг л туух болон үлдэж өнгөрсөн амьдралын тухай өгүүлдэг. Тэгэхээр зураг ямар гараа бол гэж хүмүүс догдолдог. Энэ нь хун болгонд тохиолддог нандин эмзэглэл юм. Гэхдээ санаа зовох хэрэггүй. Зураг дээр хөөрхөн гарах арга гэж бас бий.

* Гэрэлтүүлэг нь зураг дээр сайхан гарах нэг үндэс юм.
* Гадаа гудамжинд зураг авахуулах бол өглөө эрт юмуу, орой нар жаргахаас өмнө зураг сайхан гардаг.
* Яг үд дундын үед зураг бүү авахуул.
* Хэрэв чи линзтэй зургаа авахуулбал нүдний хүүхэн хараа улаан гардаг.
* Хэрэв зургийн аппаратын гэрэлтүүлэгчээс илүү хурц гэрэл асаавал энэ мэт хүндрэл гарахгүй.
* Яг зураг дарах үед нүдээ аньчихгүйн тулд зурагчнаар тоо тоолуул. Нүдээ аньж байгаад хамгийн сүүлийн тоон дээр нь харвал нүдээ аньж гарахгүй.
* Олон хүнтэй зураг авахуулах бол тарган хүмүүс захад нь зогсвол дээр.
* Яльгүй жишүү атлаа дээгүүр харж зогсвол зураг дээр аятайхан гардаг.
* Зураг дээр инээж гарах хүсэлтэй бол яг зураг дарах үед нь л инээмсэглээрэй.
* Хэрэв их удаан инээмсэглэж зогсвол зовж зүдэрсэн царайтай гарчихдаг тал бий шүү.
* Юуны өмнө зовхио хөнгөн буд. Тэгэхгүй бол зураг дээр хөх няц болчихсон юм шиг гардаг.
* Хөмсгөө самнаж, өргөн юмуу өтгөн бол чимхэж нарийсгаж болно.
* Хар харандаагаар нүдээ тойруулан зурвал тод гардаг.
* Доод зовхиндоо гар хүрэх хэрэггүй.
* Доод сормуусаа яльгүй будаад, нүдний дотоод булангаа хөнгөвтөр өнгөөр тодруулж өг.
* Нил ягаанаар уруул, хацраа будвал зураг дээр эвгүй гардаг.
* Нүүрээ пудрдэхдээ хүзүү, чих, гараа орхиж болохгүй. Өнгөтэй зураг дээр энэ нь цайрч харагддаг.
* Нүүрийг сайн пудрдэх нь нүүрний тослог хэсгийг гялайж харагдахаас сэргийлнэ.
* Ногоон өнгийн хувцастай хэзээ ч бүү зургаа авахуулж байгаарай.
* Мөртэй хувцас өмсвөл зураг дээр хоккейчин мэт харагдана.
* Жинсэн өмд, цамц нь зураг дээр хүнийг залуу золбоолог харагдуулдаг.
* Хэт их чамин гоёл муухай харагддаг.
* Хар үстэй хүмүүс хар цагаан зураг авахуулахаар бол бараан хувцас өмсвөл аятайхан гардаг.
* Зургаа авахуулахдаа биеэ суллаад, шал өөр юм бодвол зураг санамсаргүй мэт аятайхан гардаг.